جانجوڑی نا مفت آسراتی تا فراوانی اُلس نا بنداوی ءُ حق اسے‘ ڈی سی آواران

آواران: ڈپٹی کمشنر آواران جمعہ دادخان پارینے کہ جانجوڑی نا مفت آسراتی تا فراوانی اُلس نا بنداوی ءُ حق اسے۔ جانجوڑی نا بشخ حکومت نا کاریم تیٹی اوار ءِ۔ او اُلس ءِ ریلیف فراوان کننگ نا جوان کوشست کننگ انگ ءِ۔ گرج دا ہیت انا ءِ کہ ضلع آواران اٹ اُلس ءِ درمان نا مفت آسراتی تا فراوانی ءِ ہر حالیت ات پک کننگے۔ ہسپتال آتیٹی اسٹاف ءِ تینا ڈیوٹی آ حاضر مننگ نا پک کننگک۔ کوتاہی کننگ و غیر حاضر مروک آ ہیلتھ اسٹاف نا برخلاف کارروائی کننگک۔ دا خیال آتا درشانی ءِ او ڈسٹرکٹ ہیلتھ کمیٹی آواران نا دیوان نا کماشی ءِ کرسا کرے۔ دیوان اٹ جانجوڑی نا بشخ ءِ فعال کننگ کن فیصلہ کننگا او دا فیصلہ ءِ کننگا کہ ہسپتال آتیٹی اسٹاف نا حاضری ءِ ای پک کننگ نا پارت کرے۔

(خ ن)