بلوچستان یوتھ ڈویلپمنٹ پروگرام نا اولیکو ریسہ نا بنا
Get real time updates directly on you device, subscribe now.
کوئٹہ، بلوچستان اٹی ورنا تا کسبی و عملی لائخی ٹی ودکی کن بلوچستان یوتھ ڈویلپمنٹ پروگرام نا اولیکو ریسہ نا باقاعدہ بنا کننگانے۔ حکومتِ بلوچستان نا رِداٹ پروگرام نا کمک اٹ صوبہ نا جتا جتا تعلیمی ادارہ غاتیٹی 2ہزار آن زیات ورنا ءِ اِرا ریسہ ٹی ہیلکاری فراوان کننگک۔ دا پروگرام محکمہ ورناباندات حکومتِ بلوچستان نا کماشی ٹی بنا کننگانے، وخت اس کہ وزیراعلیٰ بلوچستان میر سرفراز احمد بگٹی نا کنڈ آن ورنا تا کنڈ آ کروک گام گیج اتا رِداٹ پروگرام نا چاروکی ءِ سلاہکار ورناباندات مینا مجید بلوچ کننگ اٹی ءِ۔ حکومت نا رِداٹ پروگرام نا اولیکو ریسہ اٹی پنجگور، لورالائی، کوئٹہ و مسلم باغ نا جتا جتا کالج و یونیورسٹی تیٹی مارومسڑ طالب علم آتا ہیلکاری سیشن تا بست و بند کننگ انگ ءِ۔ اولیکو ریسہ ٹی ہزار آن زیات ورناءِ ہیلکاری تننگ نا ہدف تخنگانے۔