ڈی سی استا محمد و ایس ای ایریگیشن نا بی ایس ڈی آئی ڈٹ انا جاچ‘ سیم شاخ انا ہڑتوم آ کنڈ آ رکھی بند آتے سوگو کننگ نا پارت
Get real time updates directly on you device, subscribe now.
نصیر آباد: وزیراعلیٰ بلوچستان میر سرفراز بگٹی نا وژن نا رِد اٹ بلوچستان اسپیشل ڈویلپمنٹ انیشیٹو (BSDI) نا کمک اٹ گنداخہ غان گوٹھ جانن جمالی اسکان سیم شاخ انا ہڑتوم آ کنڈ آ رکھی بند آتے سوگو کننگ نا برجا شونداری ڈٹ انا ڈپٹی کمشنر استا محمد محمد رمضان پلال و سپرنٹنڈنگ انجینئر ایریگیشن مدثر ظفر کھوسہ جم دورہ ءِ کریر۔ دورہ نا وخت آ تعلقدار کمامدار آک بریفنگ ترسا پاریر کہ سیم شاخ انا ہڑتوم آ کنڈ آ ہیوی مشینری نا کمک اٹ پروٹیکشن بند و رکھی لٹ آتے سوگو و بڑز کننگ نا کاریم ترندی اٹ برجا ءِ۔ دا ڈٹ انا بنداوی مسخت نوکاپی دیر انا وہنگ ءِ بھرمی وڑ اٹ توننگ، لٹ آتے پننگ آن بچفنگ و خڑک انا خلق، آبادی و کشاری ڈیہہ تے گمانی نسخان آتیان بچفنگ ءِ۔ کمامدار آک مستی معلومدار کریر کہ ڈٹ انا پوروی آن نئے بیرہ نوکاپی خطرہ غاتیٹی نمان کمتی بریک بلکن علاقہ ٹی کشاری سرجز آتے ہم سوگوی رسینگک‘ ہراڑان ہندی کشارگر آتے دراست فائدہ مریک۔ دا وخت آ ٓ ڈپٹی کمشنر محمد رمضان پلال کاریم نا آب و ترندی نا جاچ ءِ ہلسا تعلقدر افسر آتے پارت کرے کہ شونداری کاریم ءِ پک کروک آب نا رِد اٹ و پک کروک وخت اٹ پورو کننگے۔ او زور شاغا کہ کاریم اٹی کس ءُ وڑ اسے نا ڈیوالئی سگنگ مفک۔