اسلام آباد سوزی منڈی ٹی کورونافری واک تھرو گیٹ انا بنا

0

Get real time updates directly on you device, subscribe now.

اسلام آباد (اے پی پی) وزیراعظم نا خصوصی کمکار سی ڈی اے امور علی نواز اعوان چارشنبے نادے آ اسلام آباد سوزی منڈی ٹی کورونافری واک تھرو گیٹ انابناءِ کرے۔ بناءِ کننگ نا وخت آ میڈیا تون گپ وتران کرسا خصوصی کمکار پارے کہ چارکروڑنا خڑچ آن جوڑ مروک دا گیٹ آن اسہ منٹ اٹی 80لکھ بندغ گدرینگ انگ کیرہ وخت اس کہ نن اسلام آباد اٹی داوڑ انا 20گیٹ خلنگ نا ارادہ کرینن۔ اوپارے کہ وزیراعظم عمران خان اسہ کلہو اس تس کہ ہرا تینے تورے ءِ او رکھوک ءِ و داکان پد خلقت تینے توننگ نا بناءِ کرے، و ننے گڑاس علاقہ غاتے ٹی لاک ڈاﺅن نا کنڈآہنوئی تما ہرانا سوب آن خلقت اُراتیٹی گھیڑ مسر، داوڑنا حالیت آتے ٹی نن اسلام آباد اٹی اُراتیٹی تولوک خلقت کن راشن نا بست وبند انا ہم بناءِ کرین۔ داڑتون اوار اوار نن کنٹرول پرائس آ ہڑدے ئی گڑاتا دوئی کننگ کن بست وبند آتا بناءِ کرینن۔ اوپارے کہ واک تھرو گیٹ انا مسخت دادے کہ خوانخواستہ اگہ بندغ اس کورونا یا پین وائرس اسے نا کیئریئر مرے تو اونا پیدواری مرے دُن تو کورونا اسہ پوسکن ءُ وائرس اسے و انسان نا جان آن زیات ہچ ءُ گڑاس اف ہنداسوب آن نن واک تھرو گیٹ وڑانا رکھی گام گیج مسیت و ایلو ہند آتیا ہم اختیار کننگ اُن۔ اوپارے کہ نن غٹ خلقت آن خواست کرینن کہ مچی تیان پاناد کیر ومنہ وخت اکن تینے برام و ایلو غٹ مچی تیان اسہ کنڈ کیر تانکہ نن پاکستانءِ رکھ کننگ کین۔ اودادین انا وخت آ کلہو ترسا پارے کہ الحمد اللہ داسہ خلقت داگڑاءِ پہہ مننگ ءُ و نن تون کمک ہم کننگ ءُ انتئے کہ ہرااُراٹی ءِ او رکھ ءِ۔ اگہ نن احتیاط کینہ تو پاکستان رکھ مریک۔

Get real time updates directly on you device, subscribe now.

Leave A Reply

Your email address will not be published.