وزیراعظم جنرل اسمبلی نا 81 می دیوان اٹ بشخ ہلنگ آن پد وطن آ پدی سرمس
Get real time updates directly on you device, subscribe now.
اسلام آباد، وزیراعظم محمد شہباز شریف اقوام متحدہ نا جنرل اسمبلی نا 81 می دیوان اٹ بشخ ہلنگ آن پد وطن آ پدی سرمس۔ وزیراعظم آفس نا میڈیا ونگ آن جاری بیان نا رداٹ وطن آ پدی بننگ آ وزیر داخلہ محسن نقوی، وزیر حوالکاری عطاء اللہ تارڑ و وزیر مملکت داخلہ طلال چوہدری وزیراعظم ءِ بخیر کریر۔ وزیراعظم محمد شہباز شریف اقوام متحدہ نا جنرل اسمبلی نا 81 می دیوان اٹ پاکستان نا نمائندگی ءِ کرے۔ وزیراعظم جنرل اسمبلی نا دیوان آن تران کرسا پاکستان نا موقف ءِ گچین وڑ اٹ پیش کرے۔ وزیراعظم جہانی راہشون و بڑزکو کمامدارآتون اہم ہڑتوم آ کنڈآتاو کثیرالجہتی اوڑدہی کرے۔ وزیراعظم جہانی کہول آ امن، سلامتی، شونداری و تین پہ تینی کمکاری نا مون آ دننگ کن پاکستان نا موقف ءِ تالان کرے۔ وزیراعظم جہانی مالیاتی ادارہ و کاروباری شخصیت آتون اوڑدہی تیٹی پاکستان اٹ زرکاری و زرگزرانی کمکاری نا مون آ دننگ آ گپ وتران کرے۔