سبی ٹی بلدیاتی ضمنی گچین کاری نا شیڈول جاری
Get real time updates directly on you device, subscribe now.
بلدیاتی ضمنی گچین کاری تا شیڈول جاری کننگا، ریٹرننگ افسر و اسسٹنٹ کمشنر سبی منصور علی شاہ بلوچستان لوکل گورنمنٹ نا ضمنی گچین کاری تا بابت پبلک نوٹس جاری کرسا ضلع سبی نا میونسپل کمیٹی سبی وارڈ نمبر 20، یونین کونسل نمبر 6 وارڈ نمبر 2 و یونین کونسل نمبر 13 وارڈ نمبر 4 اٹی ضمنی گچین کاری تا شیڈول نا پڑو کرینے۔ جاری مروک شیڈول نا رِد اٹ اومیتدار آک یکم جولائی آن 3 جولائی 2026 اسکان پندار کاغد اسسٹنٹ کمشنر آفس سبی ٹی سہب انا 8 بجہ غان بیگہ نا 4 بجہ اسکان جمع کرفنگ کیرہ۔ شیڈول نا رِد اٹ کاغد آتا جاچ 6 جولائی آن 8 جولائی 2026 اسکان مریک وخت اس کہ اومیتدار آک 18 جولائی 2026 اسکان تینا کاغد آتے پدی ہلنگ کیرہ۔ دا وارڈ آتیٹی پولنگ 9 اگست 2026 آ مریک۔ ریٹرننگ افسر کل اومیتدار آتے پارت کرینے کہ او وخت آ تینا کاغد آتے جمع کیر۔