لاہور احتساب عدالت، منی لانڈرنگ ریفرنس نا سماعت 14 جون اسکان ملتوی
Get real time updates directly on you device, subscribe now.
لاہور : لاہور نا احتساب عدالت وزیراعظم محمد شہباز شریف، حمزہ شہباز و خاہوت تون اوار ایلوفتا برخلاف منی لانڈرنگ ریفرنس نا سماعت ءِ 14 جون اسکان پدبٹسا پوسکن آ دوبہ دار سلمان شہباز و ہارون یوسف ءِ فردجرم عائد کننگ کن بٹنگ نا بابت فیصلہ ءِ ڈک کرے۔ احتساب عدالت نا جج قمر الزمان کیس انا سماعت ءِ کرے۔ چارشنبے نادے آ حمزہ شہباز نا کنڈآن اسہ دے اناحاضری معافی نا درخواست ءِ دائر کننگا۔ عدالت حمزہ شہباز نا اسہ دے ئی حاضری معافی نا درخواست ءِ منظور کرے۔ سماعت اٹی وزیراعظم محمد شہباز شریف نا جاگہ غا اونا نمائندہ انوار حسین پیش مسوسس و تینا حاضری ءِ پورو کرفے۔ عدالت اوکان پد شامل تفتیش مروک آ دوبہ دار آتیا فرد جرم عائد کننگ نا بابت دلیل ہم بٹنگاسس۔ وزیراعظم محمد شہباز شریف نا وکیل نا موقف ئس کہ نیب نوشتہ کرے کہ وزیراعظم محمد شہباز شریف تون اوار ایلوفتا برخلاف ڈوہ جوڑ مفک، نیب تینے آن کیس ءِ چٹفنگ کپک، عدالت کیس ءِ چٹفنگ نا اختیار تخک۔ منی لانڈرنگ ریفرنس اٹی اوکان پد تفتیش جوائن کروک آ ہارون یوسف و طاہر نقوی تدوک آ سماعت آ نیب انا کنڈآن دزگیری درکار مفننگ نا رپورٹ آ تینا عبوری ضمانت ءِ پدی ہلکنے۔ نیب ریفرنس اٹی وزیراعظم محمد شہباز شریف، حمزہ شہباز تون اوار 16 دوبہ دارآتے پندار کننگا وخت اس کہ ریفرنس اٹی وزیراعظم محمد شہباز شریف، حمزہ شہباز، سلمان شہباز، رابعہ شہباز و نصرت شہباز ءِ فریق کننگاسس۔
(اے پی پی)