ترک صدر رجب اردگان 3 جون آ مسٹمیکو مد اکن عہدہ نا سوغند ہرفک
Get real time updates directly on you device, subscribe now.
انقرہ: ترکیہ نا پوسکن گچین مروک آ صدر رجب طیب اردگان 3 جون آ مسٹ میکو مد اکن تینا عہدہ نا سوغند ہرفک و پوسکن آ کابینہ نا اسہ دے اس پد سوغند ہرفنگ نا گمان ءِ۔ روسی خبررساں ادارہ نا رپورٹ نا رداٹ پوسکن گچین مروک آ ترک صدر ہفتہ نادے آ سوغند ہرفک و عہدہ ءِ سنبھالک وخت اس کہ کابینہ نا باسک آتاسوغندی دود یک شنبے نادے آ گمانی ءِ اوکان پد پوسکن آ حکومت تینا کاریم نا بناءِ کیک۔ حکمران جسٹس اینڈ ڈیولپمنٹ پارٹی (اے کے پی) نا ترجمان عمر چیلک پارے کہ رجب طیب اردگان سوغند ہرفنگ آن دمدستی پد پوسکن آ کابینہ نا پڑو ءِ کننگ کیک۔ ساڑی آ کابینہ غان بیرہ مسہ وزیر آتا تینا عہدہ غاتیا برقرار سلنگ نا گمان ءِ ہرافتے ٹی خارجہ امور، داخلہ و دفاع نا وزیر آک اوار ءُ۔
(اے پی پی)