کوہلو‘ بشام نا پر تا نسخان تا پوروی کن گام گیج کننگک‘ اعجازجعفر

کوہلو: ڈپٹی کمشنر کوہلو اعجاز احمد جعفر بشام نا پر تا سوب آن رکھوک گام گیج آتا جاچ ءِ ہلنگ کن جتا جتا علاقہ غاتا دورہ ءِ کرے۔ ہرافتیٹی ڈٹ ڈیم، کلی ڈاکٹر جمعہ خان سالارانی، کلی میر بہار خان کلی، بلاول ٹاؤن کلی سید ناظم شاہ میر ہزار وڈھ اوار ئسر۔ ڈپٹی کمشنر تون اوار میونسپل کمیٹی، ایریگشن نمائندہ، ایم ایم ڈی نا ڈپٹی ڈائریکٹر شیر جنگ مری و ایلوفک ساڑی ئسر۔ ڈپٹی کمشنر محکمہ ایریگشن و ایم ایم ڈی ءِ پارت کرے کہ زوت اس کہ واٹر چینل آتیا بئے تے اینک کننگے وخت اس کہ جتا جتا علاقہ غاتیٹی زوت اس عارضی بنداو آ پارت کرینے۔ او وخت آ ڈپٹی کمشنر اعجاز احمد جعفر ہیت وگپ کرسا پارینے کہ کوہلو ٹی کدو نوکاپ آن ہرا نسخان تسنے ننا کوشست مریک کہ اینخو اوڑا رکھوک گام گیج آتے وخت آ پک کننگے۔ ڈپٹی کمشنر نا مستی پاننگ ئس کہ بشام نا پر تا سوب آن نوکاپ نا حالیت اس ودی مننگ نا خلیس ءِ وخت اس کہ کل مشنری و محکمہ غاک تیار ءُ تانکہ وخت آ نسخان تا پوروی ءِ کننگے۔

(خ ن)