دیر انا کاختی نا بابت گام گیج کننگ انگ ءِ‘ ڈی سی سبی

سبی: ڈپٹی کمشنر سبی منصور احمد قاضی اسسٹنٹ کمشنر سبی علی شاہ عباسی تون اوار ناگمان پبلک ہیلتھ انجینرنگ نا دفتر نا دورہ ءِ کرے۔ او شار اٹ دیر انا کاختی نا نوٹس ءِ ہلسا اُست ہسونی نا درشانی ءِ کرے۔ او پارینے کہ دیر انا کاختی ریکوری و ویل آتا ایسری کن ایکسیئن پبلک ہیلتھ و کمامدار آک تینا کڑد ءِ ادا کیر دا ویل آتا ایسری کن جوان گام گیج کننگے تانکہ اُلس ءِ دیر ءِ بیدس بندی آن فراوانی ءِ پک کننگے۔ او پارینے کہ اُلسی غاوک بننگ اٹی ءُ کہ بھلو کچ اسے ٹی بنجائی واٹر سپلائی لائن آن غیر کانودی کنکشن ہلکنے۔ ہرافتے زوت اس کاٹ کرسا ایلو بندغ آتا برخلاف کارروائی کننگے۔ دیر انا سپلائی ءِ اسہ وڑ بشخ وپانٹ پک کننگے تانکہ بریبری نا بنداو آ کل علاقہ خلق آتیٹی دیر بشخ وپانٹ مرے۔

(خ ن)