کوروناغان بچنگ کن مسلمان حکمرانک خانہ کعبہ و روضہ رسولؐ آ حاضری ایتر، چوہدری شجاعت

اسلام آباد(اے پی پی) مسکوہی وزیراعظم چودھری شجاعت حسین پارینے کہ کورونا غان بچنگ کن غٹ مسلمان حکمرانک خانہ کعبہ و روضہ رسول صلی اللہ علیہ وآلہ وسلم آ حاضری ایتر، وزیراعظم عمران خان و آرمی چیف قمر جاوید باجوہ روضہ رسول صلی اللہ علیہ و آلہ وسلم آ حاضری ایتر۔ سے شنبے نادے آ تینا اسہ ویڈیو کلہو اسے ٹی اوپارے کہ وزیراعظم عمران خان امت مسلمہ نا غٹ راہشون تے خانہ کعبہ و روضہ رسول صلی اللہ علیہ و آلہ وسلم دے کائے، غٹ حکمرانک ہوغسا بشںخنداری خوار تو اومیت ءِ غٹ انا دعاک قبول مریرہ۔ اوپارے کہ ہراوخت اسکان اللہ تعالیٰ و نبی پاک صلی اللہ علیہ و آلہ وسلم نامہرو مریبت خڑک مفک ہمووخت اسکان ہچ ءُ کاریم اس مفک۔ اوپارے کہ ایٹم بمب و میزائل آتے اٹ دنیاءِ فتح کروک آتے معلوم اف کہ منصوبہ ساز پین اسٹ ءِ۔ اوپارے کہ دنیا نا بھلا بھلا منصوبہ ساز آتا پلاننگ اللہ تعالیٰ نا پلاننگ نامون آ ہچ اس افس، کورونا نا آفت پک کیک کہ اللہ تعالیٰ ناراض ءِ ہرادے خڑینک آن پر معافی اٹ منائفوئی مریک۔