چیف جسٹس آف پاکستان نا بلوچستان اٹی ہسپتال آتا بدحالی آ ترند

کوئٹہ (آن لائن) چیف جسٹس سپریم کورٹ آف پاکستان جسٹس گلزار احمد بلوچستان اٹ ہسپتال آتا بدحالی آ ترندی نا درشانی ءِ پارینے کہ اگہ صوبہ نا ہسپتال آتیٹی جوان ءُُ ازباب ساڑی ءُُ تو ولدا اُلس پیشن آن انتئے درمان کرفنگ اٹی ءُُ۔ افیسرک قابل احترام ولدا ہم جوان ءُُ افسر بریک ہندن ءُُ زمواری ہلوئی مریک کہ حکومتی پارت آتیا اخس و ہراڑے عملدرآمد مسنے؟ سیکرٹری جانجوڑی صوبہ نا ہسپتال آتا دورہ نا شیڈول ءِ جوڑ کرے و اوڑے اُلس ءِ دوئی مروک آ آسراتی تا جاچ ءِ ہلک، دا اُلسی خدمت تون ہسپتال آتا بدحالی کن جوان گوندنگک۔ عدالت چیف سیکرٹری بلوچستان ءِ حکم تسنے کہ او مچ آ صوبہ نا ہسپتال آتیٹی دوئی مروک آ وسیلہ، مشینری، ازباب آتا بابت جامع رپورٹ عدالت اٹ جمع کرفے، ہسپتال آتا بابت وسیلہ آتیا سمجھوتہ کننگپک۔ دا ریمارکس اوفک تدوک آ دے سپریم کورٹ کوئٹہ رجسٹری اٹ بلوچستان نا ہسپتال آتا بدحالی نا بابت کیس نا سماعت اٹی تس۔ تدوک آ دے چیف جسٹس سپریم کورٹ جسٹس گلزار احمد،جسٹس فیصل عرب و جسٹس اعجاز الحسن استا مسہ باسکی بینچ بلوچستان اٹ ہسپتال آتا بدحالی نا بابت سماعت کرے۔