جانجوڑ راج اکن گوازی تا مننگ المی ءِ‘میرعمران گچکی
Get real time updates directly on you device, subscribe now.
قلات (فیض نیچاری) سیکرٹری اسپورٹس بلوچستان میر عمران گچکی ڈی جی اسپورٹس بلوچستان درا بلوچ اسک پارینو کہ جانجوڑ راج اکن گوازی تا مننگ المی ءِ‘ قلات اٹ اسپورٹس نا بابت ٹیلنٹ نا کمتی اف‘ قلات اٹ اسپورٹس نا شونداری ہر وڑ انا کوشست کننگک۔حوال نارد اٹ سیکرٹری اسپورٹس بلوچستان میر عمران گچکی‘ ڈی جی اسپورٹس بلوچستان درا بلوچ اسک اسہ دے ئی دورہ غا قلات آ بسر‘ سیکرٹری اسپورٹس میر عمران گچکی قلات اٹ خان میر احمد یار خان فٹبال اسٹیڈیم اسپورٹس کمپلکس ماڈل اسکول نا کرکٹ گراﺅنڈ و قلات منگچر کن پوسکن تعمیر مروک اسٹیڈیم آتا جم دورہ ءِ کرے‘ دا وخت آ سیکرٹری اسپورٹس میر عمران گچکی میڈیا تون ہیت وگپ کرسا پارے کہ قلات کنا اُراءِ‘ دا جاگہ نا گوازی گر تیکن انت کہ مننگ کرے ای کیوہ۔ اوپارے کہ خان میر احمد یار خان فٹبال اسٹیڈیم ءِ انٹرنیشنل وڑ انا آسراتی ایتنہ‘ ماڈل اسکول نا کرکٹ گراﺅنڈ ءِ 7سال آن پد گوازی گر تیکن ملنگانے و عئید آن پد زوت تھری ڈسٹرکٹ کرکٹ ٹورنامنٹ و فٹبال ٹورنامنٹ اڈ تننگک۔