ڈی سی کیچ انا ڈغار تا جھیڑہ نا باندات آتا ایسری کن ہند آتا دورہ
Get real time updates directly on you device, subscribe now.
تربت، ڈپٹی کمشنر کیچ یاسر اقبال دشتی نا پارت آ اسسٹنٹ کمشنر ندیم اقبال بنگلزئی گھنہ مزاری کہن اٹی جھیڑہ ئی ڈغار تا اِرا جگا جتا باندات آتے ٹی تعلقدار ہند آتا دورہ ءِ کرے و دوئی ریکارڈ و دستاویز آتا جاچ ءِ ہلک۔ اولیکو باندات اٹ تعلقدار دستاویز و ریکارڈ نا جانچ پڑتال آن پد باندات ءِ ایسر کننگا۔ ارٹمیکو باندات نا بابت تعلقدار تحصیلدار ءِ پارت کننگا کہ او دوئی دستاویز و ریکارڈ نا جم جاچ ءِ ہلنگ آن پد ہند انا دورہ ءِ کے و تینا رپورٹ ءِ پیش کے تاکہ رپورٹ نا رد اٹ باندات ءِ میرٹ و کانود نا رِد اٹ ایسر کننگ مرے۔ اسسٹنٹ کمشنر پیدوار کرے کہ ڈغار تون تعلقدار باندات آتے دوئی ریکارڈ، راستکی و کانودی خواست آتا رِد اٹ سرتننگے۔