السی خذمت و مخلوق نا ویل آتا ایسری اولیت آتیٹی اوار ءِ، یونس عزیز زہری

خضدار، اپوزیشن لیڈر بلوچستان اسمبلی و ایم پی اے خضدار میر یونس عزیز زہری تون تدوک آ دے خضدار اٹی اونا ہنکین اٹ خضدار نا جتا جتا تپہ غاتیان تعلقدارسیاسی، راجی و قبائلی شخصیت، جماعتی سنگت، پوریاگر، جتا علاقہ غاتیان بروک آ لس الس، استاد و جتا سیاسی جماعت آتا راہشون و الس نا بھلو کچ اس اوڑدہی کریر‘ حوال نارد اٹ تدوک آ دے اپوزیشن لیڈر میر یونس عزیز زہری تون اونا ہنکین اٹ خضدار و ایب کیب آن الس نا بھلو کچ اس ڈل آتا دروشم اٹ اوڑدہی کرے۔ اوڑدہی تیٹی خضدار نا ایسر کن چاری ویل، گوازی تا شون تننگ، تعلیمی شونداری، شار انا بنداوی ویل و ایلو اہم السی باندات آ جم گپ وتران کننگا۔