کوئٹہ،پاک فوج انا ہیلکاری طیارہ تما، اِرا پائلٹ شہید
Get real time updates directly on you device, subscribe now.
راولپنڈی، کوئٹہ، پاک فوج انا ہیلکاری بالی جہاز کوئٹہ نا خڑک آ تکنیکی خرابی نا سوب آن تمسا بھس مس، ہڑتوم آ پائلٹ آک شکست اٹی شہید مسر۔ شہید پائلٹ آتیٹی انسٹرکٹر پائلٹ میجر حسنین شہزاد ہمایوں و ہیلکار پائلٹ کیپٹن عبدالصمد اوار ءُ۔ آئی ایس پی آر نا رِد اٹ پاک فوج انا ایوی ایشن ونگ انا طیارہ 12 اکتوبر نا نیمروچ آ مست آنبار ہیلکاری پرواز آ ئس ہراتم کوئٹہ نا علاقہ نواں کلی نا خڑک آ تکنیکی خرابی نا سوب آن اودے شکست پیش بس، آرمی ایوی ایشن نا ‘مشاق’ ہیلکاری طیارہ نا است ہسون شکست اٹی ہڑتوم آ پائلٹ آک شہید مسر، شہید پائلٹ آتیٹی انسٹرکٹر پائلٹ میجر حسنین شہزاد ہمایوں و اسٹوڈنٹ پائلٹ کیپٹن عبدالصمد اوار ءُ۔