سعادت اللہ خان بازئی صوبائی محتسب نا عہدہ نا سوغند ہرفے

کوئٹہ، گورنر بلوچستان جعفرخان مندوخیل مسکوہی جج ڈسٹرکٹ اینڈ سیشن سعادت اللہ خان بازئی آن صوبائی محتسب بلوچستان نا عہدہ نا سوغند ہلک۔ دا رد اٹ دوشنبے نا دے گورنر ہاؤس کوئٹہ ٹی اسہ سادہ شرفدار ءُ سوغندی دود اس اڈ ہلک ہراٹی وزیراعلیٰ بلوچستان نا سلاہکار نسیم الرحمن، صوبائی اسمبلی نا باسک نعیم بازئی و ایڈووکیٹ جنرل بلوچستان عبداللطیف کاکڑ تون اوار صوبائی سیکرٹریک، سینئر وکیل وایلو اہم شخصیت آک بشخ ہلکر۔ گورنر بلوچستان جعفرخان مندوخیل اومیت درشان کرے کہ سعادت اللہ خان بازئی نا صوبائی محتسب نا وڑ اٹ تقرری آن پد صوبائی محتسب نا ادارہ شاری تا غاو تا ایسری، سرکاری محکمہ غاتا انتظامی بے ضابطگی تا نشاندہی و الس ءِ وخت آ ریلیف فراوان کننگ کن تینا کڑد ءِ پین گچین وڑ اٹ سر ایتک‘ صوبائی محتسب ادارہ اسہ کاریمی ادارہ اسے۔