کسر تا بند مننگ آن پد سخت ءُ گام اس ہرفنگا، بنجائی وزیر داخلہ

اسلام آباد، بنجائی وزیرداخلہ سینیٹر محسن نقوی پارینے کہ بنجائی حکومت و اونا سیوتیک خیبر پختونخوا حکومت و پاکستان تحریک انصاف نا سرکڑدہ غاتتون پارلیمانی رابطہ، دراست ہیت و گپ و بیک چینل ڈپلومیسی تون اوار ہر وڑ انا کسر تینائی کریر ولے کل کوشست آک زیان مسر۔ راجی رابطہ نا پلیٹ فارم ‘ایکس’ آ تینا بیان اٹی وزیر داخلہ پیدوار کرے کہ خیبر پختونخوا دہشت گردی نا بھلو باریم اسے سگانے و ہموڑے سیکورٹی فورس و لس شاریک بے کچ قربانی تسنو۔ او پارے کہ دا وڑ انا خراب حالیت آتیٹی جنگ و جھیڑہ نا جاگہ غا تین پہ تینی کمک ءِ بایدے اولیت تننگوسس۔ بنجائی وزیر داخلہ پارے کہ ساڑی فیصلہ سیاسی ءُ فیصلہ اس ئس و نئے آسان ءُ عمل اس، بلکن دا ڈغاری راستکی تا رداٹ اسہ المی و مشکل ءُ آئینی گام اس ئس۔ او زور شاغاکہ ہراتم تین پہ تینی کمکاری نا کل کسرک چُٹر تو آئین و ملکی سلامتی اولیت مریک۔ اووطن عزیز نا رکھ و مدام امن و سوگوی کن دعاکرے۔