چیئرمین سینٹ نا ریاض انٹرنیشنل ایئرپورٹ آ حوثی یاغی تا جلہو نا مذمت

اسلام آباد، چیئرمین سینٹ سید یوسف رضا گیلانی سعودی عرب نا بنجائی شار ریاض نا کنگ خالد انٹرنیشنل ایئرپورٹ آ حوثی یاغی تا جلہو نا سخت انگا لوز آتے ٹی مذمت ءِ کرسا نہادی انسانی جان تا نسخان آ سخت ڈکھ و ارمان نا درشانی ءِ کرسا پارینے کہ شہری آبادی ءِ شست کننگ نئے بیرہ انسانی قدر آتیان چَپ ءِ بلکہ جہانی کانود و جہانی اصول آتا ہم پاش خلاف ورزی ءِ۔ اسہ بیان اسے ٹی چیئرمین سینٹ پارے کہ سعودی عرب اٹی پیش بروک دا است ہسون واقعہ مچ آ انسانیت کن گڑتی نا سوب ءِ‘ کودک بندغ آتا زند آتے خطرہ ٹی شاغوک آ دا وڑانا گام گیج آتے اسہ حالیت اسے ٹی ہم روا گوندنگ مفک۔