سیکرٹری جنرل اقوامِ متحدہ نا ریاض ایئرپورٹ آ جلہو نا مذمت

نیویارک، سیکرٹری جنرل اقوامِ متحدہ انتونیو گوتریس پارینے کہ او ریاض نا شاہ خالد انٹرنیشنل ایئرپورٹ آ حوثی جلہو نا سخت مذمت ءِ کیک۔ درملکی میڈیا نا رِد اٹ او پارینے کہ سعودی عرب آ حوثی جلہو آتے دمدستی وڑ اٹ بند کننگے۔ انتونیو گوتریس پارینے کہ ریاض ایئر پورٹ آ حوثی جلہو اٹی 12 بندغ زوال مسر و سد آ شاریک ٹھپی مسر۔ او مستی پارے کہ شاری و شاری میرات آتے شست کننگ جہانی کانود نا خلاف ورزی ءِ۔ سیکرٹری جنرل اقوامِ متحدہ دا ہم پارے کہ او ریاض ایئرپورٹ آ جلہو اٹی انسانی جان تا نسخان آ سخت ارمانی ءِ۔