امریکی ریاست پنسلوانیا ٹی سم کاری، 8 بندغ زوال

نیویارک، امریکی ریاست پنسلوانیا نا شار ایری اٹی سم کاری نا واقعہ ٹی 9 بندغ زوال مسر، وخت اس کہ پاننگوک جلہو کروک ہم خلنگا۔ امریکی کمامدار آتا رِد اٹ سم کاری نا واقعہ ننکان پیش بس، بنائی جاست پاست آتیان معلوم مس کہ پولیس کارندہ غاتا ہند آ سر مننگ آن مست کل زوال آک مسوسر۔ پولیس کمامدارپارینے کہ پاننگوک جلہو کروک نا مرک ہندن لگک کہ تینے سم خلنگ نا سوب آن مس‘ ایری پولیس چیف رک لوراہ واقعہ ءِ شار اکن گمان آن چَپ جانی نسخان و بھسکاری گوندا‘ پنسلوانیا نا گورنر جوش شاپیرو واقعہ غا ارمان کرسا پارے کہ او ایری نا میئر تون حوال کرینے و ریاستی حکومت نا کنڈ آن پورو کمکاری نا سلہہ خلکنے‘ کمامدار آک واقعہ نا جاست پاست ءِ کننگ اٹی ءُ۔