خیبرپختونخوا اٹی ایمرجنسی لگپننگ نا ہچ ءُ گنجائشت اس سلتنے‘محسن نقوی

اسلام آباد، بنجائی وزیر داخلہ محسن نقوی خیبرپختونخوا ٹی گمانی ایمرجنسی نا نفاذ نا حوالہ ترسا ہیت گپ کرسا پارے کہ داسہ ایمرجنسی لگپننگ نا ہچ ءُ گنجائشت اس سلتنے او پارے کہ نم تینٹ پابو کہ داسہ انت گنجائشت سلک۔ وزیر داخلہ محسن نقوی غیر رسمی ہیت وگپ کرسا پارے کہ او سیاسی باندات آتے ہیت وگپ اٹ ایسر کننگ کن گڈیکو حد اسکان کوشست کرے، ولے داسہ اوفتتون پین ہچ ءُ کسر اس سلتنے‘ محسن نقوی پارے کہ جمعیت علماءِ اسلام (ف) نا سروک مولانا فضل الرحمان آن تینٹ سوج کننگے کہ او سیاسی مفاہمت کن اخس کوشست کرے۔