پی ٹی آئی سینزدہ نیم سال انا حکومت اٹ خیبرپختونخوا ءِ قرونِ وسطیٰ ٹی درینے، عطا اللہ تارڑ
Get real time updates directly on you device, subscribe now.
اسلام آباد، وزیر حوالکاری وشینکاری عطاء اللہ تارڑ پارینے کہ پی ٹی آئی سینزدہ ونیم سال انا حکومت اٹی خیبرپختونخوا ءِ قرونِ وسطیٰ ٹی درینے؛ صوبہ غا دہشت گرد آتے بیٹ کننگ کن دا جماعت پورو وڑ اٹ متحرک ءِ‘ صوبائی گورننس نا گچینی نا جاگہ غا اوفتا مچ آ چکار بندوی ءِ یلہ کرفنگ وبے چیٹی و بے امنی ودی کننگ ءِ‘ کوآرڈینیٹر اختیار ولی تون اوار پریس کانفرنس آن تران کرسا بنجائی وزیر پارے کہ اسہ دور اس ئس ہراڑے صوبہ پختونخوا امن و شونہالی نا ہند ئس‘ صوبہ سیلانی تیکن گچین سیل واتی ہند اس ئس‘ ولے ہراتم آن پی ٹی آئی دا صوبہ غا بیٹ مسنے دا صوبہ ٹی بھسکاری و بربادی ایسنے و خیبرپختونخوا ءِ قرونِ وسطیٰ نا دور اٹی درینے۔ او پارے کہ داکان مست خیبرپختونخوا نن کن گجر ناسوب ئس‘ صوبہ امن نا ہند ئس۔ 13 سال اٹی خیبرپختونخوا نا ہرا حشر ءِ پی ٹی آئی کرے اونا درور رسینگپک‘ صوبہ نا الس شونداری نا کسر تے ہننگ اٹی ءُ۔ و بنجا و صوبائی حکومت ءِ بیٹ ترسا پارے کہ وزیراعظم شہباز شریف الس نا خذمت اٹی دے و نن لگوک ءِ‘ وزیراعظم حقدار بندغ آتے پٹرول آ سبسڈی تسنے۔