ڈی سی کوئٹہ نا کماشی ٹی پولیو تور مہم نا پوسٹ کمپین ریویو دیوان

کوئٹہ، ڈپٹی کمشنر کوئٹہ مہراللہ بادینی نا کماشی ٹی پولیو تور مہم نا کارکڑد نا رد اٹ پوسٹ کمپین ریویو دیوان اڈ ہلک، ہراٹی ڈسٹرکٹ ہیلتھ آفیسر کوئٹہ، پولیو کمامدار و تعلقدار افسر آک بشخ ہلکر۔ دیوان اٹی ساڑی پولیو مہم نا کارکڑد، ای ایس آئسولیشن، ایم پی کیو اے، ایل کیو اے ایس، زیرو ڈوز چناتا کوریج، پولیو ٹیم آتے مون تروک آ ویل، شپمنگ تون اوار ایلو اہم باندات آتا سرجم جاچ ہلنگا و تعلقدار کمامدار آتا کنڈ آن بریفنگ تننگا۔ دا وخت آ ڈپٹی کمشنر مہراللہ بادینی پولیو مہم نا دے تیٹی مون تروک آ ویل و ردینک آتے پیدوار کرسا پارت کرے کہ بروک آ مہم اٹی اوفتا توننگ کن بھرمی گام گیج آتے پک کننگے۔ او زیرو ڈوز چناتسکان رسینگ، ٹیم تا کارکڑد و چاروکی نا نظام ءِ ودیک بھرمی جوڑ کننگ آ ہم زور شاغا۔