ڈویژنل ڈائریکٹر ایجوکیشن کوہِ سلیمان ڈویژن نا تعلیمی ادارہ غاتا دورہ
Get real time updates directly on you device, subscribe now.
رکھنی، ڈویژنل ڈائریکٹر ایجوکیشن کوہِ سلیمان ڈویژن ڈاکٹر سلیم زرکون چندی تعلیمی ادارہ غاتا ناگمان دورہ ءِ کرسا تدریسی و بست و بندی باندات، استاد و ایلو کاریمی تا حاضری و تعلیمی سرجز آتا سرجم جاچ ءِ ہلک۔ او گورنمنٹ گرلز ہائی اسکول عیشانی، گورنمنٹ بوائز ہائی اسکول عیشانی و گورنمنٹ گرلز ہائی اسکول گڈائی رکھنی نا دورہ ءِ کرے۔ دورہ نا وخت آ بھلو وخت اسے آن غیر حاضر و زمواری تیٹی ڈیوالئی کروک آ ٹیچنگ و نان ٹیچنگ اسٹاف تا برخلاف ہمو جاگہ غا معطلی نا پرمان و نوٹس جاری کننگا۔ گڈسر اٹی ڈاکٹر سلیم زرکون ایڈیشنل کمشنر کوہِ سلیمان ڈویژن عبدالباسط بزدار تون اوڑدہی کرے، ہراٹی ضلع کوہلو نا تعلیمی بشخ آن تعلقدار اہم ویل و غاو تیا سرجم گپ و تران کننگا۔