چیئرمین گوادر پورٹ نا ڈائریکٹر جنرل کسٹمز ٹرانزٹ تون اوڑدہی
Get real time updates directly on you device, subscribe now.
کراچی/گوادر، چیئرمین گوادر پورٹ نورالحق بلوچ ڈائریکٹر جنرل کسٹمز ٹرانزٹ ٹریڈ عرفان جاوید تون اوڑدہی کرے، ہراٹی گوادر پورٹ آن گبد/ریمدان 250 بارڈر کراسنگ نا رد اٹ ایران کن ٹرانزٹ واپار و کارگو نا ہن بر ءِ ودیک اڑزان، برمی و منظم جوڑ کننگ نا گام گیج آتیا سرجم گپ و تران کننگا۔ اوڑدہی ٹی گوادر پورٹ آن ایران کن کارگو نا راہی تس، ٹرانزٹ واپار، کسٹمز کلیئرنس و واپاری وڑ و ڈَول تون تعلقدار باندات آتا جاچ ءِ ہلسا گوادر پورٹ و ایران نا نیام اٹی بے اڑاند و بھرمی واپاری راہداری نا پک کننگ نا چندی سلاہ تیا سجفنگا۔ چیئرمین پورٹ دا وخت آ گوادر پورٹ نا وسیلہ اٹ ٹرانزٹ واپار و سیمی واپاری سرجز آتے فعال جوڑ کننگ نا گرج آ زور شاغسا پارے کہ واپاری عمل اٹی آسراتی، شفافیت و بھرمی رابطہ کاری اٹ کاروباری سرجز آتے شون تننگ مننگ کیک۔