مستونگ اٹی سرسہب کارروائی اہم ءُ پیشرفت اسے، میر سرفراز بگٹی
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی مستونگ نا علاقہ سیاہ پشت و کلی گشتری ٹی سیکورٹی فورس آتا کارروائی ٹی فتنہ الہندوستان تون تعلقدار 5 دہشتگرد آتے خلنگ آ سیکورٹی فورس آتاستاءِ کرینے‘ وزیراعلیٰ بلوچستان پارینے کہ آپریشن رد الفتنہ 3 نا رد اٹ دہشتگرد آتا برخلاف کارروائیک گچین وڑ اٹ برجاءُ۔ مستونگ اٹی سیکورٹی فورس آتا کارروائی ٹی 5 دہشتگرد آتا خلنگ انگ دہشت گردی نا برخلاف برجا کارروائی تیٹی اہم ءُ پیشرفت اسےِ۔ میر سرفراز بگٹی پارے کہ کارروائی ٹی خلنگوک دہشتگرد آتیان بھلو کچ اسے ٹی سلہہ ومنچر ہم دوئی کننگانے‘ وخت اس کہ علاقہ ٹی گمانی دہشتگرد آتا چٹفنگ کن کلیئرنس و سرچ آپریشن برجاءِ۔ وزیراعلیٰ پارے کہ بلوچستان اٹی دہشت گردی نا چٹفنگ و امن و سوگوی کن سیکورٹی فورس آک تینا زمواری تے گچین وڑ اٹ سر تننگ اٹی ءُ۔ دہشتگرد آتا برخلاف کارروائی تے ایسر اسکان کننگک۔