ماریہ شمعون نا گورنمنٹ بوائز ہائی اسکول گنداخہ نا کلسٹر نا جاچ
Get real time updates directly on you device, subscribe now.
نصیرآباد، ڈپٹی کمشنر اوستا محمد محمد رمضان پلال نا پارت نا رد اٹ اسسٹنٹ کمشنر اوستا محمد ماریہ شمعون نا کماشی ٹی کلسٹر انسپیکشن کمیٹی گنداخہ گورنمنٹ بوائز ہائی اسکول گنداخہ نا کلسٹر نا دورہ ءِ کرے۔ دورہ نا مسخت کلسٹر نا رد اٹ اسکول آتیکن ہلوک ریڈنگ و رائٹنگ میٹریل، فرنیچر، تدریسی کمک نا گڑا و ایلو المی تعلیمی گڑاتا کچ‘ آب و دوئی مننگ نا جاچ ءِ ہلنگ ئس تاکہ دا ہیت ءِ پک کننگ مرے کہ طالب علم آتا تعلیمی گرج آتا رد اٹ ہلوک گڑاتا پک آب و منظور مروک گرج آتا وڑاٹ مرے۔ دا وخت آ کلسٹر انسپیکشن کمیٹی نا باسک آک اسکول اٹی ساڑی گڑاتا ہند آ خوڑتی اٹ جاچ ءِ ہلکر و گڑاتا کچ‘ آب‘ حالیت و کاریم اٹ اتنگ تون تعلقدار جاچ ءِ ہلکر۔