آبنائے ہرمز اٹی اِرا تیل بردار جہاز شست

لندن / تہران، آبنائے ہرمز نا خڑک آ اِرا تیل بردار جہاز ءِ نادرست کنڈآن بروک گولہ نا وڑ انا سلہہ اٹ شست کننگ نا واقعہ مسنے‘ ہراکان گڈ اہم بحری کسر اٹ جہاز رانی نا سلامتی تون تعلقدار گڑتیک پین ودانو۔ برطانوی میری ٹائم ٹریڈ آپریشنز نا رِد اٹ اولیکو واقعہ ٹی آبنائے ہرمز آن پیشن کشوک اسہ ٹینکر اسے نادرست گولہ نا وڑ انا سلہہ اٹ شست کننگا‘ جلہو نا سوب آن جہاز اٹی چنکو خاخر اس لگسا بجلی نا نظام زہمی کرے‘ ولے کارندہ غاک خاخر ءِ کسفیرو جہاز تینا سفر ءِ دارہ برجا تخا۔