پروفیسر ڈاکٹر رزاق صابر تون میونسپل کارپوریشن گوادر نا چیئرمین نا اوڑدہی
Get real time updates directly on you device, subscribe now.
گوادر، چیئرمین میونسپل کارپوریشن گوادر ماجد جوہر وائس چانسلر یونیورسٹی آف گوادر پروفیسر ڈاکٹر عبدالرزاق صابر تون اونا چیمبر اٹ اوڑدہی کرے‘ اوڑدہی ٹی جانجوڑی و سفائی نا رد اٹ آگاہی‘ یونیورسٹی نا استاد و طالب علم آتا آگاہی مہم اٹی بشخ ہلنگ و طالب علم آتیکن عملی ہیلکاری نا وارخواہی تتون تعلقدار باندات آ گپ وتران کننگا‘ چیئرمین میونسپل کارپوریشن گوادر جانجوڑی نا رد اٹ آگاہی مہم اٹی یونیورسٹی آف گوادر نا استاد، طالب علم آتا کمک کننگ نا خواست کرے‘ دا وخت آ وائس چانسلر طالب علم آتے عملی آزموندہ و کسبی ہیلکاری فراوان کننگ کن میونسپل کارپوریشن گوادر اٹی انٹرن شپ نا وارخواہی فراوان کننگ نا خواست کرے، ہراڑا چیئرمین ماجد جوہر طالب علم آتے انٹرن شپ نا وارخواہی تا فراوانی نا باوری کرفے۔