سید مجتبیٰ جیلانی اوتھل اٹی زرعی شونداری بینک انا پوسکن آ ماڑی نا بناءِ کرے
Get real time updates directly on you device, subscribe now.
اوتھل، اوتھل اٹی زرعی شونداری بینک انا پوسکن آ ماڑی نا بنائی دود ڈویژنل ہیڈ کوارٹر اوتھل اٹی اڈ ہلک‘ چیئرمین ڈسٹرکٹ کونسل لسبیلہ و چیف ٹرائبل سردار غلام فاروق شیخ و جنرل منیجر زرعی شونداری بینک سندھ بلوچستان سید مجتبیٰ جیلانی دود اٹی بینک انا پوسکن آ ماڑی نا بناءِ فیتہ ءِ کاٹ کرسا کریر۔ زرعی شونداری بینک انا ریجنل بزنس ہیڈ کوئٹہ پرویز احمد بنائی دود انا وخت آ کشارگر تتون ہیت وگپ کرسا پارے کہ زرعی شونداری بینک اوتھل نا برانچ بلڈنگ نا جوڑ مننگ آن کشارگر آتے ون ونڈو آپریشن نا آسراتی دوئی مسنے‘ الس ءِ بینک انا آسراتی تیان گچین معلومداری تننگے‘ او پارے کہ زرعی شونداری بینک خاص وڑ اٹ چنکا کشارگر تا کمک ءِ کیک‘ ہمو کشارگر ہرافتتون ڈغار ارے ولے اوفتے آباد کننگ کن پیسہ اف تو اوفتے وام فراوان کننگک۔