اے سی اورماڑہ نا بازار تیٹی دکان تا اناگت دورہ
Get real time updates directly on you device, subscribe now.
اورماڑہ، اسسٹنٹ کمشنر اورماڑہ ڈاکٹر ماہ نور برکت شار انا جتاجتا بازار تیٹی دکان تا اناگت جاچ ءِ ہلک و بے میعاد کنوئی آگڑاتا بہا کننگ آ سخت ترندی نا درشانی ءِ کرے۔ او کنوئی آ گڑاتتون اوار ہڑدے ئی کاریم اٹ بروک گڑاتا آب و میعاد نا جم جاچ ءِ ہلک‘ دورہ نا وخت آ کیہی دکان تیان بے میعاد کنوئی آ گڑا دوئی کرسا ضبط کننگا، ہرافتے ٹی شیمپو، صابون،ہیئر آئل، باڈی لوشن و کنشت نا گڑاک اوار ءُ۔ داوخت آ بھاز آ گڑاتیا بھاز متکن 2010، 2015 و 2016 نا میعاد تاریخ ہم درج کروک ئسر۔ اسسٹنٹ کمشنر بے میعاد گڑاتا بہا کننگ آ ترند مرسا پیدوار کرے کہ شاری تا جانجوڑی و زند اتون گوازی کننگ نا کس ءِ موکل تننگپک۔