پاکستان مالدیپ نا ایلمی تعلقداری تے خاص اہمیت ایتک،فیلڈ مارشل

راولپنڈی، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر پارینے کہ پاکستان مالدیپ نا ایلمی تعلقداری تے خاص اہمیت ایتک، پاکستان تین پہ تینی فائدہ کن مالدیپ تون تعلقداری تے پین سوگو کننگ کن سنبرینگوک ءِ۔ آئی ایس پی آر نا رِد اٹ مالدیپ نا پیپلز مجلس نا اسپیکر عبدالرحیم عبداللہ جی ایچ کیو نا دورہ ءِ کرے۔ مالدیپ نا اسپیکر عبدالرحیم عبداللہ فیلڈ مارشل سید عاصم منیر تون اوڑدہی کرے۔ فیلڈ مارشل سید عاصم منیر و مالدیپ نا اسپیکر نا نیام اٹ تین پہ تینی استخاوہی تا باندات آتیا گپ وتران کننگا۔ اوڑدہی ٹی علاقائی سلامتی و ہڑتوم آکنڈ آن کمکاری آ گپ و تران مس۔ فیلڈ مارشل سید عاصم منیر پارے کہ پاکستان مالدیپ نا ایلمی تعلقداری تے خاص اہمیت ایتک، پاکستان تین پہ تینی فائدہ کن مالدیپ تون تعلقداری تے پین سوگو کننگ خواہک۔ مالدیپ نا اسپیکر علاقائی امن و سوگوی کن پاکستان نا گچین کڑد انا ستاءِ کرے۔ پاکستان و مالدیپ نا نیام اٹی تین پہ تینی رابطہ غاتے پین سوگو کننگ آ امنا کننگا۔ مالدیپ نا اسپیکر تین پہ تینی استخواہی نا بشخ آتیٹی کمکاری ءِ ودفنگ نا استخواہی تا درشانیءِ کرے۔ عبدالرحیم عبداللہ علاقائی امن و سوگوی کن پاکستان نا کڑد انا ستاءِ کرسا پاکستان و مالدیپ نا نیام اٹی جتا جتا بشخ آتیٹی کمکاری نا شون تننگ آ زور شاغا۔ اوڑدہی ٹی ہڑتوم آ ملک آتا تین پہ تینی تعلقداری تے پین مستحکم کننگ نا ارادہ نا دوارگی کننگا۔