ترک صدر تون فلسطینی صدر نا اوڑدہی، مکہ معاہدہ غا گپ و تران

انقرہ ، ترک صدر طیب اردوان نا انقرہ ٹی فلسطینی صدر محمود عباس تون اوڑدہی مس ہراٹی مکہ دفاعی معاہدہ غا گپ وتران کننگا۔ فلسطینی صدر محمود عباس مکہ معاہدہ نا ستاءِ ءِ کرے و پارے کہ فلسطین نا مخ تفی و غزہ کن انسانی و طبی کمک آ ترکیہ نا منت وار اُن‘ سعودی عرب، ترکیہ و پاکستان نا مکہ دفاعی معاہدہ علاقائی سلامتی و سوگوی کن اہم ءِ۔ محمود عباس پارے کہ مقبوضہ دے ٹکی یروشلم و دیکی کنج اٹی اسرائیلی آبادکاری گڑتی نا سوب اسے، غزہ فلسطینی ریاست نا پنپروک بشخ اسے، غزہ غان بیدس ہچ ءُ فلسطینی ریاست اس جوڑ مننگ کپک۔ داوخت آ ترکیہ نا صدر رجب طیب اردوان پارے کہ ترکیہ ہر جہانی فورم آ فلسطینی الس نا روا انگا حق آتا رکھ ءِ کیک‘ غزہ نا اولسر تفنگ نا بناءِ کننگ کن اول اٹ حالیت ودی کروئی مریک