گورنر بلوچستان امریکہ ٹی جشن آزادی نا دود اٹ بشخ ہلیک
Get real time updates directly on you device, subscribe now.
ٹیکساس، ڈیلاس، گورنر بلوچستان جعفر خان مندوخیل تینا سرکاری امریکہ نا دورہ ناوخت آ جشنِ آزادی پاکستان نا رد اٹ 14 اگست آ ٹیکساس نا شار ڈیلاس اٹی اڈ تروک اسہ خاص ءُ دود اسے ٹی پاکستانی کمیونٹی آن تران کیک۔ دود اٹ امریکہ ٹی ہندی پاکستانیک تینا قومی دے ءِ پبی جوش و جوزہ اٹ اڈ تننگ کن مچ مریرہ۔ گورنر مندوخیل تینا تران اٹ پاکستان نا قومی تشخص، سیوت، جمہوریت و ورنا چین نا کڑد آ ہیت کیک و دا عزم انا درشانی ءِ کیک کہ دنیا نا جتا جتا ملک آتیٹی رہینگوک پاکستانیک وطن نا شونداری و جہانی کہول آ پاکستان نا مثبت امیج ءِ پاش کننگ اٹی اہم کڑد ادا کننگ کیرہ۔ ڈیلاس اٹی پاکستانی کمیونٹی آن گورنر بلوچستان نا تران نئے بیرہ وطن تون مہر انا جوزہ ءِ پاش کیک بلکن پیشن ملک رہینگوک آ پاکستانی و پاکستان نا نیام اٹی تعلقداری تے پین سوگو و گچین جوڑ کننگ نا ہم اہم ءُ وسیلہ اس پک مریک۔