صوبائی وزیر میر ظہور احمد بلیدی نا تربت اٹی چندی ڈَل آتتون اوڑدہی

تربت، صوبائی وزیر منصوبہ بندی و شونداری میر ظہور احمد بلیدی تینا ہنکین اٹ حلقہ نا متبر‘ شرفمند و جتا جتا ڈل آتتون اوڑدہی کرے۔ ہراٹی حلقہ نا السی ویل، شونداری باندات و بنداوی آسراتی تا بابت باندات آتیا جم گپ وتران کننگا۔ داوخت آ میر ظہور احمد بلیدی حلقہ نا متبر آتا ویل،سلاہ و السی گرج آتے خوڑتی اٹ خف تورے و تعلقدار باندات آتا ایسری کن ہروڑ انا گام گیج کننگ نا باور کرفے۔ صوبائی وزیر پارے کہ السی ویل آتا ایسری و علاقہ نا تعمیر و شونداری ننا اولیکو اولیت آتیٹی اوار ءِ۔ حلقہ ٹی بنداوی آسراتی تا فراوانی، شونداری ڈٹ آتا پوروی و السی گرج آتے مون آ تخسا بھرمی گام گیج آتا ردوریسہ برجاءِ۔ میر ظہور احمد بلیدی پارے کہ حلقہ نا مدامگی تعمیر و شونداری و الس ءِ بنداوی آسراتی تا فراوانی کن کل دوئی وسیلہ غاتے کاریم اٹ اتنگ انگ ءِ‘ وخت اس کہ السی نمائندہ نا وڑ اٹ کنا مسخت الس نا ویل آتے اولیت نا بنداو آ ایسر کننگ ءِ۔ او دا عزم انا درشانی ءِ کرے کہ حلقہ نا الس تون رابطہ غاتے پین سوگو و بھرمی جوڑ کننگک و السی ویل آتا ایسری کن دراست رابطہ نا ردوریسہ برجا تخنگک۔