کوئٹہ ٹی یومِ آزادی نا رد اٹ گرلز میراتھن ریس اڈ تننگا
Get real time updates directly on you device, subscribe now.
کوئٹہ، جشنِ آزادی پاکستان 14 اگست نا رد اٹ کوئٹہ ٹی گرلز میراتھن ریس انا بست و بند کننگا۔ خاص انگا مہمانِ سلاہکار وزیراعلیٰ گوازی و ورنا باندات مینا مجید بلوچ تون اوار سیکرٹری اسپورٹس درا بلوچ، ڈی جی اسپورٹس ڈاکٹر یاسر بازی ساڑی ئس۔ میراتھن ریس اٹی کیہی مسڑ طالب علم آک جشنِ آزادی پاکستان میراتھن ریس اٹی بشخ ہلکر۔ میراتھن ریس شہداء زیارت چوک آن بنا مرسا ایوب اسپورٹس کمپلیکس کوئٹہ ٹی ایسر مس و اولیکو، ارٹمیکو و مسٹمیکو پوزیشن دوئی کروک آ طالب علم آتے ٹی سلاہکار مینا مجید بلوچ ترتیب اٹ 50، 30 و 20 ہزار روپئی و ایلو جوان کارکڑد نشان تروک آتے ٹی میڈل بشخ و پانٹ کرے۔ دا وخت آ سلاہکار وزیراعلیٰ مینا مجید بلوچ پارے کہ مچ آ صوبہ ٹی یکم اگست آن جشنِ آزادی نا دود آتیٹی ورنا چین نا پبی بشخ ہلنگ ملک پاکستان تون بے کچ مہر انا روشنا ءُ درور اسے و اینو دا میراتھن ریس انا بنا شہداء زیارت چوک آن کننگ نا مسخت تینا پولیس نا بہادر انگا شہید آتے خراجِ عقیدت پیش کننگ و دہشت گردی نا مخالفت ءِ۔