مقبوضہ دیکی کنج انا حالیت دے پہ دے خراب مننگ ءِ، عاصم افتخار

نیویارک، پاکستان مقبوضہ دیکی کنج انا حالیت آ گڑتی درشان کرسا فلسطینی تے رکھ فراوان کننگ نا خواست کرینے۔ اقوامِ متحدہ ٹی پاکستان نا آخبتی مندوب عاصم افتخار سلامتی کونسل آن تران کرسا پارے کہ مقبوضہ دیکی کنچ انا حالیت ترندی اٹ خراب مننگ اٹی ءِ، سلامتی کونسل ءِ دمدستی وڑاٹ گام ہرفوئی مریک۔ عاصم افتخار پارے کہ اسرائیل نا کانود آن چَپ گام گیج آتا مسخت کوزہ ءِ سوگو کننگ ءِ‘ اسرائیل نا آبادکاری ٹی ودکی گڑتی نا کچ اسکان سرمسنے۔ پاکستانی مندوب پارے کہ آبادی کاری ءِ دمدستی توننگے و زموار آتیان پرسجو کننگے۔ او پارے کہ سلامتی کونسل یونیسیف نا سلاہ تیا عملدرآمد ءِ پک کے۔