غزہ ٹی برجا اسرائیلی جلہو آتیان فلسطینی تا زند ءِ خطرہ ءِ، اقوام متحدہ

غزہ، اقوام متحدہ خبڑدارکرینے کہ غزہ ٹی اسرائیل نا برجاجلہو آتا سوب آن فلسطینی تا زند ءِ خطرہ مون تروک ءِ و اوفتے انسانی کمک نا پین گرج تمنگ ءِ۔ بی بی سی نا رداٹ اقوام متحدہ نا دفتر رابطہ انسانی باندات (او سی ایچ اے) تینا رپورٹ اٹ پارینے کہ جمعہ نا دے آن اسرائیلی سم کاری، گولہ باری و بحری جلہو آتیٹی غزہ ٹی کیہی فلسطینی شاریک شہید مسنو۔ رپورٹ اٹ دا ہیت آ زور شاغنگانے کہ جہانی انسانی کانود آتا رداٹ غزہ ٹی شاری و شاری میرات آتا امر کہ مرے رکھ ءِ المی جوڑ کننگے۔ رپورٹ اٹ پاننگانے کہ غزہ ٹی جنگ انا بنا غان دا وخت اسکان اونا چاہندارآک اسہ ہزار آن زیات منچر و ایلو جنگی مواد آتا پیدواری ءِ کرینو ہراخطرناک ثابت مننگ کیک۔ رپورٹ اٹ غزہ ٹی المی گڑا و خصوصی ازباب آتا رسینگ ءِ المی جوڑ کننگ آ ہم زور شاغنگانے تانکہ ہموڑے اہم انسانی خذمت آتے پین ودفنگ مرے۔