ایرانی صدر نا سپریم لیڈر تون 7 گھنٹہ غا تالان اوڑدہی
Get real time updates directly on you device, subscribe now.
تہران، ایران نا رہبرِ معظم آیت اللہ سید مجتبیٰ خامنہ ای صدر مسعود پزشکیان ءِ “قومی سیوت” آ چکار کننگ آ زور شاغا۔ ایرانی سرکاری میڈیا نا رِد اٹ صدر مسعود پزشکیان تدوک آ تُو آیت اللہ سید مجتبیٰ خامنہ ای تون 7 گھنٹہ غا تالان اوڑدہی ءِ کرے ہراٹی سپریم لیڈر قومی سیوت و یکجہتی ءِ برجا تخنگ و الس نا زرگزرانی حالیت آتیا چکار کننگ آ زور شاغا۔ دا وخت آ صدر پزشکیان پارے کہ امریکہ و اسرائیل ایران اٹی بے چیٹی ودی کننگ و ملک ءِ ڈکالی، لُٹ و پل و راجی بے چیٹی نا کنڈ آ دننگ نا کوشست کریر۔ او پارے کہ ایران آ دشمن نا جلہو آک اے آئی آن دوئی کروک ڈیٹا نا بنجا غا ئسر، ایران جاسوس نیٹ ورک و اجرتی بندغ آتا ڈٹ بندی ءِ پدے دو بے سہب کرے۔