یوکرین ناروس آ ڈرون جلہو، 12 بندغ زوال، کیہیک ٹھپی
Get real time updates directly on you device, subscribe now.
کیف، یوکرین روس آ ڈرون جلہو کرے ہرانا سوب آن 12 بندغ زوال مسر۔ روسی سرکاری میڈیا نا رِد اٹ روس انا تاتارستان علاقہ نا شار نزنیکمسک اٹی صنعتی و شاری ہدف آ یوکرین نا ڈرون جلہو اٹی 12 بندغ زوال و کیہیک ٹھپی مسر۔ شار انا میئر رادمیر بیلیایف ٹیلی گرام آ اسہ بیان اسے ٹی پارے کہ دا جلہو اٹی پک فروک صنعتی و شاری ہدف آتے شست کننگانے۔ جتا جتا روسی میڈیا نا رِد اٹ علاقہ نا آئل ریفائنری ہرا کہ روس انا ٹیکنالوجی نا رِد اٹ کل آن زیات شون ہلوک ءِ اودے جلہو اٹی نسخان رسینگا۔ سوشل میڈیا غا پک مفروک ویڈیو تیٹی آئل ریفائنری نا بڑز آن مول چست مروک خننگا۔ ٹینیکو ریفائنری ہرا جون نا بنا ٹی یوکرین نا دوٹی بسوسس۔ 2024 اٹی 17 ملین ٹن خام تیل انا پیداوار کرے ہراڑان 2.7 ملین ٹن پیٹرول و 8.5 ملین ٹن ڈیزیل ایندھن ودی مس۔