ننا مذہبی اقلیت آک پیدوار خذمت سر تسنو، صدر
Get real time updates directly on you device, subscribe now.
صدرِ مملکت آصف علی زرداری پارینے کہ ننا مذہبی اقلیت آک جنگ و جھیڑہ، جانجوڑی، تعلیم و زند نا ایلو بشخ آتیٹی پیدوار خذمت سر تسنو و اینو ہم تینا ایلو ہم وطن آتتون اوار مرسا ملک انا خذمت ءِ برجا تخانو۔ مچ آ قوم اوفتا قومی خذمت، حب الوطنی و ملک انا جم شونداری وشونہالی کن اوفتا نمان کڑد آ گمر کیک۔ اقلیت آتا قومی دے آ ہرا اینو 11 اگست 2026ء آ اڈ تننگ انگ ءِ‘ قوم انا پن کلہو اٹی صدر آصف علی زرداری پارے کہ اقلیت آتا قومی دے انا وخت آ ای کل پاکستانی، خاص وڑ اٹ ننا قومی و مذہبی اقلیتی برادری تون تعلقدار پاکستانی تے است انا ہُب اٹ مبارکبادی نا کلہو ایتوہ۔ اینو آن 79سال مست ہندا دے آ بانی پاکستان قائد اعظم محمد علی جناح رحمہ اللہ پاکستان نا اولیکو دستور ساز اسمبلی آن تران کرسا پاکستان نا آخبت نا بابت تینا وژن ءِ پیدوار کریسس۔