تربت اٹ ایف سی ہسپتال نا فنکشنل مننگ آن بھاز خوش مسنٹ، وزیرداخلہ محسن نقوی
تربت اٹی فرنٹیئر کور ہیڈ کوارٹرز نا دورہ، ایف سی نا پوسکنوڑ ہسپتال نا بناءِ کرے، ڈاکٹر، نرس و پیرا میڈیکس تون مِلا
Get real time updates directly on you device, subscribe now.
بنجائی وزیر داخلہ محسن نقوی تربت اٹی فرنٹیئر کور بلوچستان (ساؤتھ) ہیڈ کوارٹرز نا دورہ ءِ کرے و ایف سی نا پوسکنوڑ ہسپتال نا بناءِ کرے۔ وزیر داخلہ محسن نقوی ڈاکٹر، نرس و پیرا میڈیکس تون مِلا و ڈکھیا انسانیت نا پبی خذمت نا پارت کرے۔ وزیر داخلہ محسن نقوی او پی ڈی، جتا جتا وارڈ، ایم آر آئی، سی ٹی اسکین روم و آپریشن تھیٹر نا دورہ ءِ کرے۔ بنجائی وزیر داخلہ پوسکنوڑ ہسپتال ءِ چنکو وخت اسے ٹی پورو کننگ آ آئی جی ایف سی بلوچستان (ساؤتھ) و اونا ٹیم انا کارکڑد ناستاءِ کرے۔ محسن نقوی پارے کہ ایف سی ہسپتال ءِ داخس زُوت فنکشنل خنسا بھاز خوش مسنٹ‘ تربت اٹی درمان نا پوسکنوڑ آسراتی تیان شپ ہسپتال نا بھاز گرج ئس۔ تربت نا ہندی آبادی ءِ ہم درمان نا دا جوان آسراتی دوئی مریک۔ داوخت آ وزیر داخلہ محسن نقوی ءِ ایف سی ہسپتال اٹی فراوان کروک طبی آسراتی تا بابت بریفنگ تننگا، آئی جی ایف سی بلوچستان (ساؤتھ) میجر جنرل بلال سرفراز خان وزیر داخلہ محسن نقوی ءِ فورس انا کسبی ہیلکاری و فیلڈ آپریشن تا بابت بریفنگ تس۔ وزیر داخلہ محسن نقوی ایف سی بلوچستان (ساؤتھ) نا کسبی تیاری تا ستاءِ کرے۔ بنجائی وزیر داخلہ فتنہ الہندوستان تون اوار کل کالعدم دہشت گرد ٹولی تا برخلاف سرسہب آپریشن آ ایف سی بلوچستان (ساؤتھ) ءِ خراجِ تحسین پیش کرے۔