مچ آ قوم تینا بہادر فوج و کانود نافذ کروک ادارہ غاتتون ہم کوپہ سلوک ءِ،وزیراعظم محمد شہباز شریف
ننا بہادر انگا ورناک دشمن نا پراگندہ ارادگی تے بے سہب کرسا قومی سلامتی نا رکھ ءِ پک کننگ نا باور کرفینو
Get real time updates directly on you device, subscribe now.
وزیراعظم محمد شہباز شریف سویلی وزیرستان اٹی دہشت گرد آتا جلہو ءِ بے سہب کننگ آ سیکورٹی فورسز آتے خراجِ تحسین پیش کرسا پارینے کہ مچ آ قوم تینا بہادر فوج و کانود نافذ کروک ادارہ غاتتون ہم کوپہ سلوک ءِ۔ اسہ بیان اسے ٹی وزیراعظم محمد شہباز شریف سویلی وزیرستان اٹی سیکورٹی فورس آتا چیک پوسٹ آ بھارتی کاٹم خواجہی ٹی کاریم کروک فتنہ الخوارج نا دہشت گرد آتا لغوری جلہو ءِ بے سہب کننگ و چار دہشت گرد ءِ خلنگ آ سیکورٹی فورسز آتے خراجِ تحسین پیش کرے، وزیراعظم سیکورٹی فورس آتا کسبی لائخی، بے کچ ہمت و وخت آ کارروائی نا ستاءِ کرے‘ وزیراعظم پارے کہ ننا بہادر انگا ورناک دشمن نا لغور آ ارادہ غاتے بے سہب کرسا اسہ وار ولدا پک کرینو کہ پاکستان نا سلامتی ءِ ہچ گہس زہمی مننگ کن النگپک۔ مچ آ قوم تینا بہادر فوج و کانود نافذ کروک ادارہ غاتتون ہم کوپہ سلوک ءِ۔ وزیراعظم پارے کہ حکومت و سیکورٹی فورس آک آپریشن “عزمِ استحکام” نا رِد اٹ ملک آن دہشت گردی نا ناچوڑ نا پورو چٹفنگ اسکان تینا کارروائی تے پورو واک اٹ برجا تخرہ۔