ڈپٹی کمشنر لسبیلہ حمیرا بلوچ نا آئی ٹی اسکل ڈویلپمنٹ سینٹر نا دورہ
Get real time updates directly on you device, subscribe now.
ڈپٹی کمشنر لسبیلہ حمیرا بلوچ پارینے کہ ورناتے پوسکنوڑ انفارمیشن ٹیکنالوجی و ڈیجیٹل لائخی تیان شُپ کننگ وخت انا اہم ءُ گرج اسے، ہنرمند ورناک ملکی شونداری‘ زرگزرانی سوگوی و شونہالی ٹی گچین کڑد ادا کننگ کیرہ، ہندا سوب آن حکومت بلوچستان ورناتے پوسکنوڑ خواست آتتون ہم گرنچ فنی و تکنیکی لائخی تا فراوانی آ خاص چکار کننگ اٹی ءِ۔ دا خیال آتا درشانی ءِ او آئی ٹی اسکل ڈویلپمنٹ سینٹر نا دورہ نا وخت آ کرے۔ داکان مست ڈپٹی کمشنر حمیرا بلوچ وائس چانسلر پروفیسر ڈاکٹر عبدالمالک ترین تون اوڑدہی کرے ہراٹی ورنا تا فنی و تکنیکی تعلیم، انفارمیشن ٹیکنالوجی نا شونداری‘ ڈیجیٹل لائخی تا شونداری و پوسکنوڑ ٹیکنالوجی نا کمک اٹ روزگار نا وارخواہی ودی کننگ نا باندات آتیا گپ وتران کننگا۔دا وخت آ بریگیڈیئر فواد احمد ہم ساڑی ئس۔