بلوچستان نا نہری نظام اٹ حالیت آک پدریسہ گچین مننگ ءُ،سپرنٹنڈنگ انجینئر ایریگیشن نصیرآباد

سپرنٹنڈنگ انجینئر ایریگیشن سرکل نصیرآباد ڈویژن مدثر ظفر کھوسہ پارینے کہ بلوچستان نا نہری نظام اٹ حالیت آک پدریسہ گچین مننگ ءُ و گڈو بیراج و سکھر بیراج آن پٹ فیڈر کینال، کیرتھر کینال، اوچ کینال و ایلو شاخ تیٹی دیر انا فراوانی اٹ پیدوار ودکی کننگانے۔ او پارے کہ صوبائی وزیر ایریگیشن میر محمد صادق عمرانی و صوبائی سیکرٹری آبپاشی سہیل الرحمن بلوچ نا پارت آتے مون آ تخسا کشار گرآتے انصاف اٹ کشاری دیر انا فراوانی ءِ پک کننگ انگ ءِ، وخت اس کہ چیف انجینئر کینالز قربان علی جتوئی تینٹ نہری نظام نا چاروکی ءِ کننگ ءِ و چندی کینال آتا اناگت دورہ ءِ کرسا دیر انا فراوانی و بشخ و پانٹ نا نظام نا خوڑتی اٹ جاچ ءِ ہلنگ ءِ۔ مدثر ظفر کھوسہ پارے کہ ارسا کانود آتا رداٹ پٹ فیڈر کینال نا بشخ 6700 کیوسک ءِ، ولے ساڑی حالیت آتیٹی نمان گچینی بسنے و آر ڈی 109 نا ہند آ 6444 کیوسک دیر فراوان کننگ انگ ءِ، وخت اس کہ کیرتھر کینال ءِ 2400 کیوسک نا جاگہ غا 1478 کیوسک دیر رسینگ انگ ءِ، ہنداوڑ مانجھوٹی و اوچ کینال اٹ ہم گرج انا رداٹ دیر فراوان کننگ انگ ءِ۔ او پارے کہ محکمہ ایریگیشن نا انجینئر آتا اولی زمواری نہری نظام نا رداٹ دیر انا انصاف اٹ بشخنگ ءِ پک کننگ ءِ و دامسخت کن سخت مانیٹرنگ نا عمل پدریسہ برجاءِ۔