نیتن یاہو ءِ دزگیر کننگ نا واکداری انتظامیہ تون اف، ظہران ممدانی

نیویارک سٹی نا میئر ظہران ممدانی جاری کروک آ اسہ ویڈیو بیان اسے ٹی پارینے کہ اگہ اسرائیلی وزیراعظم بنیامین نیتن یاہو نیویارک آ بریک تو شار نا انتظامیہ تون اودے دزگیر کننگ نا کانودی واکداری اف‘ ممدانی سوشل میڈیا پلیٹ فارم ایکس آ جاری کروک آ تینا بیان اٹی پارینے کہ ننا انتظامیہ کل تعلقدار کانود آتا جاچ ءِ ہلک تانکہ دا معلوم کننگ مرے کہ نیویارک سٹی بین الاقوامی فوجداری عدالت نا دزگیری وارنٹ آ عمل کننگ کیک یا آخا۔ جاچ آن پد پیدوار مسنے کہ شار ءِ دا آجو کانودی واکداری دوئی اف ولے بنجائی حکومت تون دا واکداری ارے و ای خواست کیوہ کہ او آئی سی سی ٹی اوار مرسا دا وارنٹ آ عمل کیر۔