ماشکیل اٹی موبائل نیٹ ورک و انٹرنیٹ سروس نا خرابی آن الس خوار

ماشکیل اٹی موبائل نیٹ ورک و انٹرنیٹ سروس نا نزور کارکڑد الس کن اسہ بھلو ویل اس جوڑ مسنے۔ نزور آ سگنل، وار وار آ کال انا کاٹ مننگ و سست انٹرنیٹ نا سوب آن طالب علم، پوریاگر، سرکاری کارندہ، صحافی و لس صارف آتے سخت خواری نا مون تروئی تمانے۔ مخلوق پارینے کہ او ہر تُو موبائل کمپنی تے پورو زر ایترہ، ولے ولدا ہم آب اٹنگا سروس فراوان کننگپک۔ خراب آ موسم یا بجلی نا بند مننگ نا وخت آ موبائل نیٹ ورک اسُل غائب مریک، ہرانا سوب آن ہلہلہ ئی حالیت آتیٹی رابطہ ہم کاٹ مریک۔ الس پی ٹی اے و تعلقدار موبائل کمپنی تیان خواست کرینے کہ ماشکیل اٹی نیٹ ورک نا نظام ءِ دمدستی وڑاٹ جوان کننگے، پین موبائل ٹاور خلنگے و شاری تے جوان موبائل و انٹرنیٹ سروس فراوان کننگے۔