بورہ نا گریزی آن نہاد آتیٹی بھلو ودکی اس مسنے‘ عبدل حمید

زہری : اسسٹنٹ کمشنر خضدار نا تحصیل زہری اٹ کھلی کچہری اس اڈ ہلک۔ ہراڑا سیاسی، راجی و واپار آتون اوار جتا جتا بشخ آتیان تعلق تخوک آ بندغ آک اسسٹنٹ کمشنر خضدار محمد علی درانی ءِ تحصیل زہری نا دورہ غا بخیر کرے۔ علاقہ نا پیر انگاک عبدل حمید، ثناء اللہ‘ عبدل حمید‘ حاجی محمد حمید، ملک محمد رمضان، منیر احمد زہری اسک علاقہ نا دوئی آ ویل آتیان اسسٹنٹ کمشنر خضدار ءِ معلومدار کریر۔ پیر انگاک پارینے کہ اوار سوار و ذخیرہ اندوزی اسہ ناسور اس جوڑ مسنے۔ ہرادے توننگ حکومت و اونا ادارہ غاتا کاریم ءِ۔ او پارینے کہ شورہ و بورہ نا گریزی آن صوبہ ٹی نہ بیرہ اونا کاختی ودی مننگ اٹی ءِ وخت اس کہ نہاد آتیٹی ہم بے کچ ودکی مننگ اٹی ءِ۔ تحصیل زہری نا آبادی ارا لھ آن زیات ءِ ولے یوٹیلٹی سٹور اٹ نت انا فراوانی اسل اف۔ امن و ایمنی عئید انا وخت آ اضافی گشت انا ہم خواست ءِ کرے۔

(آن لائن)