پشتونخواملی عوامی پارٹی نا راہشون عثمان کاکڑ کزیت کرے
Get real time updates directly on you device, subscribe now.
کوئٹہ :قوم پرست راہشون و پشتونخواملی عوامی پارٹی نا صوبائی صدر عثمان کاکڑ کراچی نا اسہ پرائیویٹ ہسپتال اسے ٹی کزیت کرے۔ او منہ دے مست اسہ شکست اسے ٹی ٹھپی مسوسس۔ اوکان پد اودے کوئٹہ نا اسہ پرائیویٹ ہسپتال اٹی داخل کننگا، ولے طب تے جوان متو تو اودے اِرا دے مست کراچی نا اسہ پرائیویٹ ہسپتال اسے آ دریر، ہراڑے اونا درمان مسکہ۔ ولے اوڑے ہم او دراخ جوڑ مننگ کتو، و دنیا ءِ اِلا۔
پشتونخواہ میپ نا حوالکاری سیکرٹری رضامحمدرضا ، عثمان کاکڑ نا کزیت نا حوال ءِ پک کرے۔
عثمان کاکڑ پشتونخواہ ملی عوامی پارٹی نا صوبائی صدر ئس، و متحرک ءُ سیاست دان اس ئسکہ۔ عثمان کاکڑ 1961 ء ٹی قلعہ سیف اللہ ٹی ودی مس، عثمان لالا سینٹ اٹی بلوچستان نا الس نا پبی نمائندگی ءِ کرے، و مظلوم قوم تے کن تینا توار ءِ چست کرسا ہنا۔